Impulsskeið við Superligavenjara

FSF skrivar:

Fríggjadagin 25. septembur skipar FSF fyri impulsskeiði við Andrasi Gango, sum í dag er málverjuvenjari hjá Superligaliðnum hjá AGF.

Tað verður fyrrverandi málverjuvenjarin hjá føroyska U21-landsliðnum og A-landsliðnum við monnun, Andras Gango, ið verður høvuðsundirvísari, tá Fótbóltssamband Føroya fríggjadagin 25. septembur frá klokkan 16 til 21 skipar fyri impulsskeiði í Smæruni í Havn.

Skeiðið verður fyri málverjuvenjarum og øðrum áhugaðum, og telur fimm impulstímar fyri venjarar við UEFA B-GK prógvi.

Andras Gango er als ikki ókendur í føroyska fótbóltsumhvørvinum. Frá 2006 til 2018 spældi ungarin eitt hav av dystum í føroysku kappingini, og seinastu sjey árini hevur hann arbeitt sum málverjuvenjari. Í dag er Andras Gango knýttur at Superligaliðnum hjá AGF, sum farna kappingarár vann danska meistaraheitið.

Tilmelding
Áhugað kunnu sjálvi tekna seg ella venda sær til egið felag, sum avgreiðir tilmeldingina. Tilmeldingin fer fram í nethandilinum á FSF.fo. Umráðandi er við røttum upplýsingum um luttakaran: navn, føðidato, kyn, teldupost og telefonnummar.

Luttøkugjald
Kostnaðurin fyri luttøku á skeiðnum er 900 kr. Íroknað prísin er atgongumerki, við atgongd til FSF Gestir, til UEFA Nations League dystin á Tórsvølli leygardagin 26. septembur millum Føroyar og Kasakstan.

Tilmeldingarfreistin er mánadagin 21. septembur 2026.

Meira fæst at vita um skeiðið við at venda sær til Eli Hentze, eli@football.fo ella tel. 29 19 62.